【專家分析】炒停戰有估值修復憧憬

【Now財經台】美國總統特朗普(Donald Trump)最新暗示中東戰事有機會好快結束，佢將會喺本港時間明日(2日)早上9時發表全國講話，而伊朗嘅態度亦冇之前咁強硬，雖然未知特朗普明日嘅講話內容，但美股昨晚(31日)已率先爆上，點睇美股昨晚呢個報復式反彈？

東亞證券高級投資策略師陳偉聰認為，依家美伊雙方都似乎妥協，停火及達成協議基礎有正面進展，過去數周，市場因擔心美伊局勢發展，導致美股急挫及長期債息扯高，特朗普民望亦插水式下跌，喺呢個情況下，或會引發TACO交易。

Jason指出，仍然唔排除短期可能再有軍事行動，但對市場嚟講，戰事喺未來4星期結束嘅機會較大，令市場風險胃納有改善，科技股、增長型股份等估值亦有回落，如果市場真係炒停戰，即時會有估值修復憧憬。