【FINTERVIEW】內地點應對原油供應危機？(上)

【Now財經台】美國總統特朗普(Donald Trump)今朝(2日)發表全國講話，指會喺未來2至3周重擊伊朗，言論又刺激油價抽升，其中，倫敦布蘭特期油急升4%，企穩每桶100美元樓上，油價飆升必定令企業成本、市民生活成本大增，對內地經濟又構成幾大衝擊?

資深經濟師林樵基指，睇返內地原油供應鏈，要來源係伊朗及俄羅斯，現時霍爾木兹海峽(Strait of Hormuz)被封，導致來自伊朗嘅原油供應鏈斷咗，對中國原油供應有一定影響，而俄羅斯供應係咪可以填補呢個缺口都係一個疑問。

Benny續指，整體嚟講，雖然對成本有影響，但相信中國有一定石油存儲量，原油供應唔會完全斷裂。

他又提醒，由於油價無可避免會變貴，所以企業必須做好成本控制，以及調整貨品價和控制採購量，佢相信，若企業能持續執行好防禦措施，即使初期會有少少影響，但相信需時1季就可以處理好。