【專家分析】「停火期」油價會跌到咩位？

【Now財經台】伊朗局勢喺長假結束後傳嚟好消息，美國及伊朗同意停火2周進行談判，期間所有船隻都可以安全通過霍爾木茲海峽(Strait of Hormuz)，戰事係咪已去到尾聲？消息一出，油價應聲插水，落返每桶100美元樓下，油價未來會點行？

泓瀚資本董事盧志威認為，暫時停火係一個好開始，亦可以紓緩油價升壓，佢估計，2星期後美伊談判或會再延長，又認為戰事發展趨向正面。油價方面，喺正常供求下，價格應介乎60至80美元，所以未來慢慢下跌都係合理。

霍爾木茲海峽通航問題，William認為唔會成為談判障礙，因為美國是石油出口國，要買油嘅國家船隻才需要通過海峽，所以就算收「買路錢」都對美國影響唔大。

美股方面，William就話，大市應該已經觸底，加上美伊戰爭似乎已近尾聲，市場亦重新關注返企業基本因素。