【全民打新】極視角上市初期只啱短炒？

【Now財經台】從事人工智能(AI)計算機視覺解決方案應用嘅極視角(06636)已經喺周三(25日)中午截咗飛，股份計劃下周一(30日)首掛，消息指，公開發售部分有逾15萬人入飛抽，超額認購4569倍，係今年超購倍數第5多新股。極視角2024年開始已經有賺，但去年首3個月又蝕返錢，點睇呢隻新股？

高歌證券金融首席分析師聶振邦表示，極視角收入增長的確唔錯，招股書入面亦有2025年全年業績數據作參考，按數據計算，2025年全年收入錄雙位數增長，是繼2023年、2024年後，集團連續第3年收入錄得增長。不過，集團似乎需要考慮成本控制問題，因為去年行政費及研發開支增長逾80%，但收入僅增長約10%，導致業績「見紅」。

聶Sir又話，收入增長要等到第4季先有爆發力，上市後嘅情況會影響市場估值，所以暫時嚟講做短線操作會較吸引，做中長線投資部署要再睇定啲。