標籤:分析
【FINTERVIEW】戰亂下美股今年仍可破頂？(上)
【分析】 10小時前
【Now財經台】美伊喺「通牒」最後一刻同意停火兩星期，期間所有船隻可安全通過霍爾木茲海峽(Strait of Hormuz)，刺激亞洲股市今日(8日)早段走強，其中，港股喺長假後復市表現強勢，地緣問題係咪終於迎來曙光？
iFast Global Markets副總裁溫鋼城指，海峽暫時通航係一件好事，事實上，的確見到一啲外國商船或集裝箱可以成功通過呢個水域，佢相信，當股市升到咁上下，市場就會開始數住有幾多船可以通過，不過，市場普遍睇穿美國總統特朗普(Donald Trump)底牌，就係TACO，就算未來問題可以淡化，但個波會交返畀伊朗，若未來有相對多數量嘅船隻可以通過海峽，復常機會較大。
Harris又話，近期市況十分波動，美股方面，標指之前由7000點跌到6300點，雖然之後彈返啲，挑戰6770點水平，但同7000點仲有啲距離，但佢估計，美股今年仍有望破頂，主要係美國經濟數據唔差，非農數據及失業率都向好，預期美企今年盈利增長逾14%，相比H股嘅9%，美股表現係好過環球股市。
佢又提及，要留意明日(9日)、周五(10日)美國公布嘅關鍵數據，即消費物價指數(CPI)及個人消費支出(PCE)，因為…
