【專家分析】美團通街蟹貨難重返「紅底」？

【Now財經台】長假期過後，據文旅部統計顯示，長假期間出遊人次1.35億人次，按年增長6.8%，出遊總消費額613億人仔，按年增長6.6%，商務部針對零售及餐飲企業嘅統計就顯示，日均銷售額按年增長2.4%，美團(03690)可唔可以受惠？

富途證券高級分析師馮文慧指，出遊數字中規中舉，但見到有價量齊升嘅現象，反彈動力主要係市場開始慢慢由必需性消費，轉為情緒消費，為獲得情緒價值而願意花費更多錢，推動整體消費板塊架構重整，未來可繼續憧憬「五一」假期嘅消費情況。

Anna又話，美團集吃、喝、玩、樂於一身嘅平台，無論係餐飲或消費都可以直接受惠，早前春節及剛結束嘅清明假期，兩次數據都有唔錯嘅表現，帶動消費股估值受長線資金重新關注，繼續睇住平台效應帶來嘅增長動力。

股價方面，佢又提及，雖然美團股價今日(8日)升咗上去，但距離100元關口仲有一段距離，技術走勢上，90元位置係重蟹貨區，唔係咁易突破，相信係消息面炒作令股價唔使跌，但要繼續升就有待商榷。