【期匯決算】油價短期難大幅回落

【Now財經台】美伊同意停火兩星期，雙方代表將會喺星期五(10日)埋枱傾，但事態發展仍充滿變數，停火消息一出，油價應聲大跌，倫敦布蘭特期油及紐約期油已失守每桶100美元，但仍遠高於之前水平，係咪仲有一定戰事溢價喺裡面？

ATFX亞太區首席分析師林銘添指，現時油價基本上仍有溢價，戰事開打前喺70美元以下，因2026年全球經濟增長及原油需求都放緩，反映霍爾木茲海峽(Strait of Hormuz)封鎖，影響唔少東南亞、歐美國家，依家開放返係紓緩市場情緒，但原油供應仍然緊張，所以油價未必會咁快大幅回落。

Martin又話，市場喺呢一刻仍持觀望態度，對係咪真正停戰仍有疑慮，而油價反映市場對停戰唔係完全樂觀，唔排除今星期談判失敗後，又再觸動市場情緒，繼而令油價再度抽升，整體而言，消息面仍然反覆，估計油價喺呢兩個星期會喺85美元至115美元之間波動。