【財經TOP SEARCH】點解創科冇消息照夾高？

【Now財經台】截至早上11時止，1小時內《彭博》搜尋量最多港股，依次為創科實業(00669)、泡泡瑪特(09992)、友邦保險(01299)、長和(00001)及新鴻基地產(00016)。

創科股價今日(8日)高開9%後，升幅一度擴大至逾10%，高見115.9元，去年面對巨大關稅壓力，雖然收入及盈利僅增長4%至6%，但仍創新高，派息金額及比率仲有得升，創科近排冇乜消息，點解股價今日會夾高？

資深證券分析師彭偉新指，電動工具一直有需求，就算經濟唔係咁好，銷售仍然強勁，相信業績都冇大問題，市場氣氛方面，非農數字遠勝預期，反映即使美國經濟表現唔好，但就業情況仍未去強差人意嘅地步，所以電動機械類股份估值仍有機會上調。

Castor又話，創科股價喺之前回得比較急，反彈力度因大市向好，所以會再強啲，加上基本面唔係太差，同埋行業前景好轉，美軍亦冇再捲入阿富汗新戰爭，創科股價短線可企穩20天線樓上，反映市場都睇得比較樂觀。