【Now財經台】半新股鳴鳴很忙(01768)前日(3月31日)派咗成績表，去年純利按年大升1.79倍，賺逾23億人仔，毛利率升至9.8%，營業額按年增長逾68%，點解集團可以交到一份咁突破性嘅業績？
艾德金融執行董事陳政深指出，因為鳴鳴很忙存貨控制做得唔錯，擴張門店又好進取，可以避免積壓存貨，生意愈做愈多，存貨增幅就自然唔及收入增長得咁快。
佢又話，集團物流鏈亦愈來愈成熟，令投資者相信規模效應，呢方面會對毛利率有幫助。
Ryan續指，現時鳴鳴很忙資產及負債狀況都幾健康，成本又控制得好，加上管理層嘗試研發唔同嘅食品，例如加熱食品、冷藏食品等，帶動毛利率向上，只要數字上繼續展示到比市場睇，投資者就會愈來愈滿意。
