【Now財經台】國際金價回勇，金礦股今日(8日)亦造好，紫金黃金國際(02259)股價一度大升逾8%，高見190.9元，重上20天線，但金價近期都好波動，引伸波幅偏高，投資者有咩要留意？
中銀國際證券衍生產品部董事朱紅指，呢兩日市場情緒都支持金價向上，今日上到每盎司4800美元水平，黃金除咗有避險作用，喺全球央行去美元化呢個趨勢下，都繼續增持黃金，若投資者上月喺4300美元進場，可以繼續睇好金價，同埋可以留意金股。
她又指，紫金國際彈力相對較強，可以留意股價未來有冇機會上到200元樓上，CALL輪方面，投資者可留意行使價約278元，今年9月到期，槓桿做到約5倍至6倍，由於金價波幅較大，所以引伸波幅水平相對較高。
