【Now財經台】《財政預算案》加咗樓價億元以上嘅豪宅物業住宅印花稅後，總結今年第1季，山頂及南區等豪宅地段租務情況有冇出現變化？
美聯物業山頂南區豪宅首席區域營業董事方富義表示，加印花稅對租務冇乜影響，因為主要針對過億元買賣交易，而租務本身都有長期需求，山頂及南區每年租務需求都好穩定，整個區現時有逾9000個物業，當中近40%係大業主或發展商長期收租為主，長期都係針對高端租客為主。
此外，大額租務個案佔比重唔重，涉及金額有幾大？John就話，近一季涉及108宗租務交易，按年係減少咗，租金金額亦按年下跌，主要係租金升咗，同埋盤源消化咗好多，喺放盤量減少之下，成交就相應少咗。
屋苑方面，方富義指出，如果睇返2025年，最多租務成交嘅屋苑，首先係陽明山莊，其次係淺水灣道129號The Lily。值得留意係，雖然租務交易宗數近一季按年減少，但租金呎價係微升，平均升咗2.8%。
